| | 正式做野已經七個月, 每日要對住電腦, 開始覺得反感。所以即刻請左五日假，費事再咁落去會生厭。
媽咪都陪我請左一日假去shopping, 第一次媽咪揀左樣野由我俾錢, 睇得出佢好開心。但佢都提住我要儲錢同埋投資。
我兩個堂妹就黎要走, 所以趁放假同佢地hang out 多啲。
本來唸住o係呢五日去學滑浪，點知頭幾日一啲風都冇, 今日終於有一號風球, 再打電話去問就竟然話新仔唔適宜玩咁大浪, 最好係落左三號風球之後o個幾日。唉...我都已經返工啦。睇黎我學滑浪既計劃要再延遲喇。
呢幾日仲煮左野, 因為天氣太悶熱, 所以整左冰震蕃茄, 涼伴豆角等等。自己覺得麻麻地, 但家人好似幾讚賞。
學飛機計劃一再延遲, 本來呢個禮拜六會學第三堂, 點知解放軍又話機場唔用得。唯有等到下個禮拜六啦。一個月前學既野都差唔多唔記得哂喇。睇黎我要半年內考到私人飛機師牌既機會都幾渺茫。算啦! 欲速即不達麻。
唔駛返工既日子真係好休閒, 但而家已經係我假期既尾聲, 開始feel 到返到公司會有幾多野等住我，target希望係400 emails之內, 同埋o係三日內清哂d emails. 正所謂 "前四後六", 放假前四日開始預備, 放假後要六日去pick up返啲工作。可唔可以話"有幾耐風流就有幾耐折堕"呢?
|
| | Posted 8/20/2008 10:37 PM - 58 Views - 12 eProps - 6 comments
- recommend
  - recs0
- share
- email
 - sent0
|
